ਚੰਡੀਗੜ੍ਹ ਦਿਲ ਜੁੜਦੇ....
ਦਿੱਲੀ ਟੁੱਟੀ ਸਰਕਾਰ ਜੁੜਦੀ, ਗੋਬਿੰਦਗੜ੍ਹ ਲੋਹੇ ਦੇ ਅੰਬਾਰ ਜੁੜਦੇ
ਟੁੱਟੇ ਹੱਡ ਜੁੜਦੇ ਮਲੇਰਕੋਟਲੇ, ਜਲੰਧਰ ਦੇ ਵਿੱਚ ਅਖਬਾਰ ਜੁੜਦੇ
ਰੇਲਾਂ ਜੁੜਨ ਕਪੂਰਥਲੇ ਬੜੀਆਂ
ਬਈ ਚੰਡੀਗੜ੍ਹ ਦਿਲ ਜੁੜਦੇ, ਨਾਕੇ ਲਾਉਦੀਆ ਹੁਸਨ ਦੀਆਂ ਪਰੀਆਂ......
ਰੋਪੜ, ਬਠਿੰਡੇ ‘ਚ ਬਿਜਲੀ ਬਣਾਉਣ ਦੇ ਭੰਡਾਰ ਜੁੜਦੇ
ਲੁਧਿਆਣੇ ਭਈਏ ਅਤੇ ਸਾਇਕਲ ਨੇ ਬੇਸ਼ੁਮਾਰ ਜੁੜਦੇ
ਇੱਥੇ ਭਈਆਂ ਦੀਆਂ ਚੱਲਦੀਆਂ ਤੜੀਆ
ਬਈ ਚੰਡੀਗੜ੍ਹ ਦਿਲ ਜੁੜਦੇ, ਨਾਕੇ ਲਾਉਦੀਆ ਹੁਸਨ ਦੀਆਂ ਪਰੀਆਂ......
ਬੜਾ ਮਸ਼ਹੂਰ ਫਰਨੀਚਰ ਬਈ ਕਹਿੰਦੇ ਕਰਤਾਰਪੁਰ ਦਾ
ਅੰਬਾਂ ਦੇ ਬਾਗਾਂ ਵਿੱਚ ਨਾਮ ਆਉਦਾ ਕਹਿੰਦੇ ਹੁਸ਼ਿਆਰੁਪਰ ਦਾ
ਤੀਆਂ ਜੁੜਨ ਮੋਗੇ ਦੇ ਵਿੱਚ ਬੜੀਆਂ
ਬਈ ਚੰਡੀਗੜ੍ਹ ਦਿਲ ਜੁੜਦੇ, ਨਾਕੇ ਲਾਉਦੀਆ ਹੁਸਨ ਦੀਆਂ ਪਰੀਆਂ......
ਪੈੱਗ ਅਤੇ ਪੱਗ ਪਟਿਆਲੇ, ਅਹਿਮਦਗੜ੍ਹ ਦੀਆਂ ਦਾਤੀਆਂ
ਸਹਿਣੇ ਦੀਆਂ ਝਾਂਜਰ ਮਸ਼ਹੂਰ ਨੇ, ਭਦੌੜ ਦੀਆਂ ਗੋਲ ਚਾਟੀਆਂ
ਕੰਬਾਇਨਾਂ ਜੁੜਨ ਭਾਦਸੋਂ ਬੜੀਆਂ
ਬਈ ਚੰਡੀਗੜ੍ਹ ਦਿਲ ਜੁੜਦੇ, ਨਾਕੇ ਲਾਉਦੀਆ ਹੁਸਨ ਦੀਆਂ ਪਰੀਆਂ......
ਮਾਨਸਾ, ਮਲੋਟ ਅਤੇ ਅਬਹੋਰ ਵਿੱਚ ਰੂੰ ਦੇ ਭੰਡਾਰ ਜਾਪਦੇ
ਵਾਹਗਾ ਬਾਰਡਰ ਤੇ ਨਿੱਤ ਹੱਥ ਜੁੜਦੇ ਨੇ ਹਿੰਦ ਅਤੇ ਪਾਕਿ ਦੇ
ਜੋੜੇ ਜੈਲੀ ਮਨਜੀਤਪੁਰੀ ਖਰੀਆਂ
ਬਈ ਚੰਡੀਗੜ੍ਹ ਦਿਲ ਜੁੜਦੇ, ਨਾਕੇ ਲਾਉਦੀਆ ਹੁਸਨ ਦੀਆਂ ਪਰੀਆਂ......
[ਸੁਖਵਿੰਦਰ ਸੁੱਖੀ (ਗੱਪ ਸ਼ੱਪ)]
Subscribe to:
Post Comments (Atom)
No comments:
Post a Comment