ਓਸ ਕੁੜੀ ਵਿੱਚ ਮਿੱਤਰਾਂ ਦੀ ਜਾਨ...

ਗਾਇਕ: ਪ੍ਰੀਤ ਬਰਾੜ
ਐਲਬਮ: ਪੱਬ ਤੇ ਕਲੱਬ
ਮੁਖੜਾ: ਓਸ ਕੁੜੀ ਵਿੱਚ ਮਿੱਤਰਾਂ ਦੀ ਜਾਨ ਐ...

ਲੱਭਿਆ ਏ ਲੱਖਾਂ ਤੇ ਹਜ਼ਾਰਾਂ ਵਿੱਚ ਹਾਣਿਓ
ਨੰਗੇ ਪੈਰੀ ਘੁੰਮਿਆ ਬਜ਼ਾਰਾਂ ਵਿੱਚ ਹਾਣਿਓ
ਆਖਰੀ ਸਾਹਾਂ 'ਤੇ ਮਿਲੀ ਮੈਨੂੰ ਉਹ ਰਕਾਨ ਐ
ਓਸ ਕੁੜੀ ਵਿੱਚ ਯਾਰੋ ਮਿੱਤਰਾਂ ਦੀ ਜਾਨ ਐ...

ਲੱਖਾਂ ਉਹਨੂੰ ਚਾਹੁਣ ਵਾਲੇ ਮੈਂ ਇਹੋ ਸੁਣਿਆ
ਧੰਨ ਨੇ ਨਸੀਬ ਮੇਰੇ ਮੈਨੂੰ ਉਹਨੇ ਚੁਣਿਆ
ਮੇਰੇ ਉੱਤੇ ਯਾਰੋ ਉਹਦਾ ਉਹੋ ਅਹਿਸਾਨ ਐ
ਓਸ ਕੁੜੀ ਵਿੱਚ ਯਾਰੋ ਮਿੱਤਰਾਂ ਦੀ ਜਾਨ ਐ...

ਪਰੀਆਂ ਤੋਂ ਸੋਹਣੀ, ਜਿਹਦਾ ਸੋਹਣਾ ਜਿਹਾ ਸੁਭਾਅ ਏ
ਜਿਵੇਂ ਕਿਸੇ ਤੀਰਥ ਨੂੰ ਜਾਂਦਾ ਕੋਈ ਰਾਹ ਏ
ਜਿਹਨੂੰ ਗੋਰੇ ਰੰਗ ਦਾ ਨਾ ਭੋਰਾ ਵੀ ਗੁਮਾਨ ਆਂ
ਓਸ ਕੁੜੀ ਵਿੱਚ ਯਾਰੋ ਮਿੱਤਰਾਂ ਦੀ ਜਾਨ ਐ...

ਘਰ ਦੇ ਓਹ ਜਾਣ ਦੀ ਆ ਸਾਰੇ ਕੰਮ-ਕਾਰ ਓਏ
ਉਹਦਿਆਂ ਹੱਥਾਂ 'ਤੇ ਛਾਲੇ ਵੇਖੇ ਕਈ ਵਾਰ ਏ
ਪੁੱਤਾਂ ਜੇਹੀ ਧੀ ਉੱਤੇ ਮਾਪਿਆਂ ਨੂੰ ਮਾਣ ਆਂ
ਓਸ ਕੁੜੀ ਵਿੱਚ ਯਾਰੋ ਮਿੱਤਰਾਂ ਦੀ ਜਾਨ ਐ...

ਪ੍ਰੀਤ ਦੇ ਗੀਤਾਂ ਦੀ ਓਹ ਰਾਣੀ ਬਣ ਗਈ ਐ
ਜੱਗੇ ਲਈ ਪਿਆਰ ਦੀ ਕਹਾਣੀ ਬਣ ਗਈ ਐ
ਭਿੱਖੀ ਵਾਲਾ ਉਹਤੋਂ ਤਨੋਂ ਮਨੋ ਕੁਰਬਾਨ ਐ
ਓਸ ਕੁੜੀ ਵਿੱਚ ਯਾਰੋ ਮਿੱਤਰਾਂ ਦੀ ਜਾਨ ਐ...

ਵੇਖੀ ਦਿਲਾ ਪਿਆਰ ਨਾ ਕਰੀਂ - ਗੁਰਦਾਸ ਮਾਨ

ਵੇਖੀ ਦਿਲਾ ਪਿਆਰ ਨਾ ਕਰੀਂ, ਗੱਲ ਗੱਲ ਤੇ ਪਉ ਪਛਤਾਉਣਾ
ਓਹੇ ਹੱਸਣਾ ਤੇ ਦੋ ਦਿਨ ਦਾ, ਸਾਰੀ ਜ਼ਿੰਦਗੀ ਉਮਰ ਦਾ ਰੋਣਾ

ਅੱਖੀਆਂ ਮਜਾਜਣਾਂ ਨੂੰ ਰੱਖ ਲੈ ਦਬੋਚ ਕੇ
ਕੰਡਿਆਂ ਦੀ ਵਾੜ ਹੱਥ ਪਾਈ ਜ਼ਰਾ ਸੋਚ ਕੇ
ਝੂਠੇ ਇਕਰਾਰ ਨਾ ਕਰੀਂ, ਗੱਲ ਗੱਲ ਤੇ ਪਉ ਪਛਤਾਉਣਾ
ਵੇਖੀ ਦਿਲਾ ਪਿਆਰ ਨਾ ਕਰੋ...

ਦੁਨਿਆਂ ਦੀਵਾਨਿਆਂ ਦੀ ਬਣੀ ਕਦੋਂ ਮਿੱਤ ਏ
ਆਸ਼ਕਾਂ ਨੂੰ ਸੂਲੀ ਤੇ ਚੜ੍ਹਾਉਣਾ ਏਹਦੀ ਜਿੱਤ ਏ
ਏਹਦਾ ਏਤਬਾਰ ਨਾ ਕਰੀਂ, ਗੱਲ ਗੱਲ ਤੇ ਪਉ ਪਛਤਾਉਣਾ

ਕਿਸੇ ਕੋਲੋਂ ਖੋਲ੍ਹੇਗਾ ਜੇ ਦੁੱਖਾਂ ਦੀ ਕਿਤਾਬ ਨੂੰ
ਕਿਵੇਂ ਪੂਰਾ ਕਰੇਗਾ ਇਹ ਪਿਆਰ ਦੇ ਹਿਸਾਬ ਨੂੰ
ਦੋ ਦੂਣੀ ਚਾਰ ਨਾ ਕਰੀਂ, ਗੱਲ ਗੱਲ ਤੇ ਪਉ ਪਛਤਾਉਣਾ

ਇੱਕ ਗੱਲ ਯਾਦ ਰੱਖੀ ਮਰ ਜਾਣੇ ਮਾਨ ਦੀ
ਲਾਈ ਤੇ ਨਿਭਾਈ ਯਾਰ ਹੁੰਦੀ ਏ ਨਿਭਾਣ ਦੀ
ਵੇਖੀ ਯਾਰ ਮਾਰ ਨਾ ਕਰੀਂ, ਗੱਲ ਗੱਲ ਤੇ ਪਉ ਪਛਤਾਉਣਾ
ਹੱਸਣਾ ਤੇ ਦੋ ਦਿਨ ਦਾ...

ਟਿਮਟਿਮਾਉਂਦੇ ਤਾਰਿਆ - ਗੁਰਦਾਸ ਮਾਨ

ਟਿਮਟਿਮਾਉਂਦੇ ਤਾਰਿਆ, ਦੁੱਖਾਂ ਦਿਆਂ ਮਾਰਿਆ
ਸਾਡੇ ਵਾਗੂੰ ਤੂੰ ਵੀ ਏ ਉਦਾਸ,
ਤੇਰਾ ਚੰਨ ਤੇ ਮਿਲ ਜਾਵੇਗਾ, ਸਾਡੇ ਦੀ ਨੀਂ ਆਸ

ਕੁਝ ਸੱਜਣ ਤੇ ਯਾਰੀ ਨੂੰ ਅਹਿਸਾਨ ਸਮਝ ਕੇ ਲਾਉਂਦੇ ਨੇ
ਅਸੀਂ ਤੇਰੇ ਲਈ ਕੀ ਨਹੀਂ ਕੀਤਾ ਸਾਰੀ ਉਮਰ ਗਿਣਾਉਂਦੇ ਨੇ
ਇਸ਼ਕ ਸਕੂਲੋਂ ਕੱਚੀ ਪਹਿਲੀਂ ਕੋਈ ਕੋਈ ਕਰਦਾ ਪਾਸ
ਟਿਮਟਿਮਾਉਂਦੇ ਤਾਰਿਆ...

ਪਿੰਜਰੇ ਦੇ ਵਿੱਚ ਫ਼ਸ ਕੇ ਤੋਤੇ ਮੀਆਂ ਮਿੱਠੂ ਹੋ ਜਾਂਦੇ
ਯਾਰ ਪਰਾਈ ਚੂਰੀ ਖਾ ਕੇ ਆਪਣਾ ਸਭ ਕੁਝ ਖੋ ਜਾਂਦੇ
ਆਪਣੀ ਬੋਲੀ ਆਪਣੀ ਉੱਡਣੀ ਗਿਰਵੀ ਗ਼ੈਰਾਂ ਪਾਸ
ਟਿਮਟਿਮਾਉਂਦੇ ਤਾਰਿਆ...

ਕੁਸ਼ ਬੇਲੀ ਐਸੇ ਵੀ ਹੁੰਦੇ, ਬੋਲੇ ਬੋਲ ਪਗਾਉਂਦੇ ਜੋ
ਵਕਤ ਪਾਏ ਤੋਂ ਦਿਲ ਦਾ ਕਰਜ਼ਾ ਸਿਰ ਦੇ ਨਾਲ ਚਕਾਉਂਦੇ ਜੋ
ਯਾਰੀ ਤੇ ਸਰਦਾਰੀ ਆਉਂਦੀ ਕਿਸੇ ਕਿਸੇ ਨੂੰ ਰਾਸ
ਟਿਮਟਿਮਾਉਂਦੇ ਤਾਰਿਆ...

ਓਸ ਦਾ ਨਾਮ ਨਿਸ਼ਾਨ ਨਾ ਕਿਧਰੇ, ਜਿਸ ਦੇ ਸੀਨੇ ਚੋਟਾਂ ਨੇ
ਖਾਈਆਂ ਖੋਦਣ ਵਾਲੇ ਨੂੰ ਫਰਿਹਾਦ ਸਮਝ ਲਿਆ ਲੋਕਾਂ ਨੇ
ਜਿਸ ਦੇ ਕਾਜ਼ੀ, ਉਸ ਦੀ ਬਾਜ਼ੀ, ਵਕਤ ਜੂਏ ਦੀ ਤਾਸ਼
ਟਿਮਟਿਮਾਉਂਦੇ ਤਾਰਿਆ...

ਜਦ ਕੱਟਿਆ ਬਨਵਾਸ ਹੀ ਕੱਟਿਆ ਮਰਿਯਾਦਾ ਪ੍ਰਸ਼ੋਤਮ ਨੇ
ਸਾਡੇ ਮਸਤ ਮਲੰਗਾਂ ਕੋਲੇ ਨਾਨਕ ਨੇ ਯਾ ਗੌਤਮ ਨੇ
ਜੀਵਣ ਜੋਗੀ ਮਾਂ ਬੋਲੀ ਦਾ ਮਰ ਜਾਣਾ ਗੁਰਦਾਸ
ਟਿਮਟਿਮਾਉਂਦੇ ਤਾਰਿਆ...

ਆਖਰੀ ਸਲਾਮ ਮੇਰੇ ਦੋਸਤਾ - ਗੁਰਦਾਸ ਮਾਨ

ਕੁਝ ਦਿਨ ਹੋਰ ਹਾਂ ਮਹਿਮਾਨ ਤੇਰੇ ਦੋਸਤਾ,
ਫੇਰ ਤੈਨੂੰ ਆਖਰੀ ਸਲਾਮ ਮੇਰੇ ਦੋਸਤਾ

ਸਾਡੇ ਲਈ ਤੂੰ ਹੋਰ ਨਾ ਵਹਾਈ ਐਨੇ ਅੱਥਰੂ
ਅੱਗੇ ਤੇਰੇ ਬੜੇ ਅਹਿਸਾਨ ਮੇਰੇ ਦੋਸਤਾ
ਕੁਝ ਦਿਨ ਹੋਰ ਹਾਂ...

ਏਦੋਂ ਵੱਧ ਖੁਸ਼ੀ ਹੋਰ ਸਾਡੇ ਲਈ ਕੀ ਹੋਵੇਗੀ
ਯਾਰਾਂ ਹੱਥੋਂ ਹੋਏ ਹਾਂ ਨਿਲਾਮ ਮੇਰੇ ਦੋਸਤਾ
ਕੁਝ ਦਿਨ ਹੋਰ ਹਾਂ...

ਸਾਨੂੰ ਸਾਡੀ ਆਪਣੀ ਫ਼ਕੀਰੀ ਜੋਗਾ ਰਹਿਣ ਦੇ
ਸ਼ੋਹਰਤਾਂ ਨੇ ਕੀਤਾ ਬਦਨਾਮ ਮੇਰੇ ਦੋਸਤਾ
ਕੁਝ ਦਿਨ ਹੋਰ ਹਾਂ...

ਮੇਰਿਆਂ ਹੀ ਗੀਤਾਂ ਨੇ ਹੀ ਉਠਾਉਣੀ ਮੇਰੇ ਅਰਥੀ
ਇਹੋ ਈ ਮੇਰਾ ਸੱਜਰਾ ਕਲਾਮ ਮੇਰੇ ਦੋਸਤਾ
ਕੁਝ ਦਿਨ ਹੋਰ ਹਾਂ...

ਆਪਣੇ ਸਰੋਤਿਆਂ ਦੇ ਪਿਆਰ ਸਤਿਕਾਰ ਦੀ
ਰੋਟੀ ਖਾਂਦਾ ਮਰ ਜਾਣਾ ਮਾਨ ਮੇਰੇ ਦੋਸਤ
ਕੁਝ ਦਿਨ ਹੋਰ ਹਾਂ..

ਪੀੜ ਤੇਰੇ ਜਾਣ ਦੀ - ਗੁਰਦਾਸ ਮਾਨ

ਪੀੜ ਤੇਰੇ ਜਾਣ ਦੀ

ਪੀੜ ਤੇਰੇ ਜਾਣ ਦੀ ਕਿੱਦਾਂ ਜ਼ਰਾਂਗਾ ਮੈਂ
ਤੇਰੇ ਬਗੈਰ ਜ਼ਿੰਦਗੀ ਨੂੰ ਕੀ ਕਰਾਂਗਾ ਮੈਂ

ਕੀ ਕਰਾਗਾਂ ਪਿਆਰ ਦੀ ਲੁੱਟੀ ਬਹਾਰ ਨੂੰ
ਸੱਜੀਆਂ ਸਜਾਈਆਂ ਮਹਿਫ਼ਲਾਂ ਗੁੰਦੇ ਸ਼ਿੰਗਾਰ ਨੂੰ
ਹੱਥੀ ਮਰੀ ਮੁਸਕਾਨ ਦਾ ਮਾਤਮ ਕਰਾਂਗਾ
ਤੇਰੇ ਬਗੈਰ ਜ਼ਿੰਦਗੀ ਨੂੰ...

ਜੇ ਰੋ ਪਿਆ ਤਾਂ ਕਹਿਣਗੇ ਦੀਵਾਨਾ ਹੋ ਗਿਆ
ਨਾ ਬੋਲਿਆ ਤਾਂ ਕਹਿਣਗੇ ਬੇਗਾਨਾ ਹੋ ਗਿਆ
ਲੋਕਾਂ ਦੀ ਇਸ ਜ਼ੁਬਾਨ ਨੂੰ ਕਿੱਦਾਂ ਫੜਾਂਗਾ ਮੈਂ
ਤੇਰੇ ਬਗੈਰ ਜ਼ਿੰਦਗੀ...

ਸਾਹਾਂ ਦੀ ਡੁੱਬਦੀ ਨਾਵ ਨੂੰ ਝੌਂਕਾ ਮਿਲੇ ਜਾਂ ਨਾ
ਇਸ ਜਹਾਨ ਮਿਲਣ ਦਾ ਮੌਕਾ ਮਿਲੇ ਜਾਂ ਨਾ
ਅਗਲੇ ਜਹਾਨ ਮਿਲਣ ਦੀ ਕੋਸ਼ਿਸ਼ ਕਰਾਂਗਾ
ਤੇਰੇ ਬਗੈਰ ਜ਼ਿੰਦਗੀ...

ਸੱਜਣਾ ਜ਼ਰਾ ਠੈਹਰ ਜਾ ਸੱਜਦਾ ਤਾਂ ਕਰ ਲਵਾਂ
ਅੱਥਰੂ ਨਾ ਕੋਈ ਵੇਖ ਲਏ ਪਰਦਾ ਤਾਂ ਕਰ ਲਵਾਂ
ਮਾਨਾਂ ਦਿਲਾਂ ਦੀ ਸੇਜ ਉੱਤੇ ਪੱਥਰ ਧਰਾਂਗਾ ਮੈਂ
ਜਾਣ ਵਾਲੇ ਅਲਵਿਦਾ ਐਨੀ ਕਹਾਂਗਾ ਮੈਂ
ਪੀੜ ਤੇਰੇ ਜਾਣ ਦੀ...

ਤੁਰ ਪਰਦੇਸ ਗਿਓ - ਗੁਰਦਾਸ ਮਾਨ

ਸਾਥੋਂ ਸੋਹਣਿਆਂ ਦਿਲ ਸਾਡਾ ਮੰਗ ਕੇ, ਤੁਰ ਪਰਦੇਸ ਗਿਓ
ਪਾਟੀ ਲੀਰ ਵਾਗੂੰ ਕਿੱਕਰਾਂ ਤੇ ਟੰਗ ਕੇ, ਤੁਰ ਪਰਦੇਸ ਗਿਓਂ

ਵੇ ਗਲ਼ੀ 'ਚ ਫਿਰਾਂ ਵਾਜਾਂ ਮਾਰਦੀ,
ਨਾਂ ਲਵਾਂ ਨਾ ਸਹੇਲੀਆਂ ਤੋਂ ਸੰਗ ਕੇ, ਤੁਰ ਪਰਦੇਸ ਗਿਓਂ


ਪਹਿਲੀ ਤੱਕਣੀ ਨੇ ਮਨ ਸਾਡਾ ਮੋਹ ਲਿਆ,
ਇੱਕੋ ਦਿਲ ਸੀ ਅਸਾਡਾ ਉਹ ਵੀ ਖੋਹ ਲਿਆ
ਪਾਏ ਪਿਆਰ ਦੇ ਪੁਲਾਂ ਦੀ ਹਿੱਕ ਲੰਘ ਕੇ, ਤੁਰ ਪਰਦੇਸ ਗਿਓਂ

ਲੋਕੀਂ ਮਾਰਦੇ ਨੇ ਗੱਲ੍ਹਾਂ ਮੇਹਣੇ ਵਾਲੀਆਂ,
ਨੀਂ ਤੂੰ ਨਿੱਤ ਦੇ ਮੁਸਾਫਿਰਾਂ ਨਾਲ ਲਾ ਲਈਆਂ
ਲੈ ਗਏ ਪਿਆਰ ਦੇ ਲਲਾਰੀ ਤੈਨੂੰ ਰੰਗ ਕੇ, ਤੁਰ ਪਰਦੇਸ ਗਿਓਂ

ਫਿਰਾ ਲੱਭਦੀ ਗੁਆਚੀ ਮੋਏ ਮਾਨ ਨੂੰ
ਮੈਂ ਵੀ ਸਾਂਭਿਆ ਨਾ ਕੱਚ ਦੇ ਸਾਮਾਨ ਨੂੰ
ਮਸਾਂ ਲਿਆ ਸੀ ਕਿਤੋਂ ਉਧਾਰਾ ਮੰਗ ਕੇ, ਤੁਰ ਪਰਦੇਸ ਗਿਓਂ

ਦੁੱਖਾਂ ਨੂੰ ਬਣਾ ਕੇ ਆਪਣਾ - ਗੁਰਦਾਸ ਮਾਨ

ਦੁੱਖਾਂ ਨੂੰ ਬਣਾ ਕੇ ਆਪਣਾ ਗਲ਼ ਖੁਸ਼ੀਆਂ ਦੀ ਕਰਦਾ ਏ
ਵੇਹੜੇ 'ਚ ਲਵਾਂ ਕੇ ਕਿੱਕਰਾਂ ਹੁਣ ਕੰਡਿਆਂ ਤੋਂ ਡਰਦਾ ਏ

ਹੀਰ ਦੀਆਂ ਚੂਰੀਆਂ ਜੇ ਸੌਖੀਆਂ ਲੁਕਾਦੀਆਂ
ਰਾਂਝੇ ਦੇ ਕੰਨਾਂ ਵਿੱਚ ਮੁੰਦਰਾਂ ਨਾ ਪੈਂਦੀਆਂ
ਸ਼ੇਰਾਂ ਨਾਲ ਲਾ ਕੇ ਯਾਰੀਆਂ, ਓਹ ਦਮ ਗਿੱਦੜਾਂ ਦੇ ਭਰਦਾ ਏ
ਦੁੱਖਾਂ ਨੂੰ ਬਣਾ ਕੇ ਆਪਣਾ...

ਦਸ ਕਿਵੇਂ ਮਹਿਕਦੇ ਬਗੀਚੇ ਫੁਲਵਾੜੀਆਂ
ਫੁੱਲਾਂ ਦੀਆਂ ਖਾਰਾਂ ਨਾਲ ਹੁੰਦੀਆਂ ਨਾ ਯਾਰੀਆਂ
ਦੁੱਖਾਂ ਨੂੰ ਵੀ ਜਰ ਸੋਹਣਿਆਂ, ਜੇ ਤੁਸੀਂ ਖੁਸ਼ੀਆਂ ਨੂੰ ਜ਼ਰਦਾ ਏ...
ਵੇਹੜੇ 'ਚ ਲਵਾਂ ਕਿੱਕਰਾਂ...

ਉਖਲੀ 'ਚ ਸਿਰ ਦੇ ਕੇ ਮੂਲਿਆਂ ਤੋਂ ਡਰਦਾ ਏ
ਧੋਬੀਆਂ ਦੇ ਕੁੱਤੇ ਵਾਂਗੂੰ ਘਾਟ ਦਾ ਨਾ ਘਰ ਦਾ ਏ
ਪਗੜੀ ਸੰਭਾਲ ਸੋਹਣਿਆਂ, ਜਿਹੜੀ ਥਾਂ ਥਾਂ 'ਤੇ ਧਰਦਾ ਏ
ਵੇਹੜੇ 'ਚ ਲਵਾਂ ਕੇ ਕਿੱਕਰਾਂ...

ਦਿਲ ਕੋਈ ਖਿਡੌਣਾ ਨੀਂ ਜੋ ਤੋੜ ਤੋੜ ਵੇਖਦਾ ਆਂ
ਪਿਆਰ ਕੋਈ ਹਿਸਾਬ ਨੀਂ ਜੋ ਜੋੜ ਜੋੜ ਵੇਖਦਾ ਆਂ
ਛੱਡ ਮਾਨਾਂ ਮਰ ਜਾਣਿਆਂ, ਦਿਲ ਲੈ ਕੇ ਮੁੱਕਰਦਾ ਏ
ਵੇਹੜੇ 'ਚ ਲਵਾਂ ਕੇ ਕਿੱਕਰਾਂ...